Antía Veiga participou este martes na goleada (5-1) da selección española sub-17 a Inglaterra no primeiro dos dous amigables programados entre ambos os conxuntos nesta semana na localidade alacantina de Alfaz del Pi.
A canteirá deportivista xogou a segunda metade nun choque no que España foi moi superior.
A próxima cita será este xoves 12 de setembro ás 11:00 no mesmo escenario, o Albir Garden Resort, nun amigable que se poderá seguir en rfef.es e nas redes sociais @SefutbolFem.
Con este encontro, Antía Veiga pon fin a esta concentración e regresará á Coruña.
O calendario de partidos de Antía Veiga, cos resultados dos xa xogados, é o seguinte:
Martes 10 de setembro
ESPAÑA 5 - INGLATERRA 1
Xoves 12 de setembro
11:00: ESPAÑA - INGLATERRA, no Albir Garden Resort
Antía Veiga adestrouse esta pretemporada co primeiro equipo e chegou a debutar no amigable ante o Real Oviedo Femenino disputado o pasado 21 de agosto en Abegondo.
